January 19, 2018

Please reload

Recent Posts

【第二屆免費學游水】— 獲選名單公佈

October 25, 2018

1/5
Please reload

Featured Posts

冬天學游水十大Q&A

January 19, 2018

 

 

游水係一種非常好嘅全身運動,能有效增強心肺功能及自身體質,減少哮喘及敏感,強健身體,而且避免泳術生疏。但相信家長們對冬天學游水都會有好多問題:冬天學游水會唔會凍親小朋友?要著咩衫?可以游幾耐? 就等浪浪泳會一次過為各位家長解答冬天學游水十大Q&A !

 

Q1:香港泳池幾時開始有暖水?
全香港泳池在11月1號開始,會將水温維持於攝氏26至28度。

 

Q2:暖水池有幾暖?
有人認為暖水即係平日沖涼嘅溫度,但根據國際游泳比賽嘅規則,暖池水溫度係介乎攝氏25至26度!

 

Q3:初學游水應該游幾暖嘅水?
對初學游泳者一般以攝氏28至32度最為理想,而攝氏26度就係適合進階訓練嘅溫度。

 

Q4:三歲以下小朋友適合在冬天學游水嗎?
若然小朋友係三歲以下, 由於喺水中嘅活動量有限, 一般建議小朋友在水中游泳嘅時間不多於30分鐘為佳。

 

Q5:冬天學游水需要著保暖衣嗎?
我地一般建議八歲以下初學嘅游泳者都需要穿著保暖衣,以防止小朋友冷親。

 

Q6:購買保暖衣又有咩需要注意?

購買保暖衣時需購買連身一件過連身短袖短褲款式,而且最好選擇有可調教的魔術貼款式,可以自行調較鬆緊,有效保暖禦寒,又可以活動自如!泳帽要買矽膠質地,作保暖頭蓋用。而小朋友上水後都必須要穿著上水褸同拖鞋,有效保暖及確保衛生。

 

Q7:如果小朋友好怕凍,可以另外再「打底」嗎?
保暖衣內一般會著普通泳衣打底,如果小朋友真係非常怕凍,亦可以選擇穿著長袖抓毛絨 (fleece) 上衣。但緊記儘量避免穿著抓毛絨 (fleece)長褲,否則會好難踢到水!

 

Q8:小朋友學游水時,家長有咩需要留意?
在游泳課程中,家長應時刻留意小朋友嘴唇顏色,亦需留意小朋友身體有否出現抖震情況。 而且為左避免小朋友上落水時會冷親,應盡量避免在課程中途去洗手間。

 

Q9:落水前要做咩準備?
小朋友落水前,熱身運動要做足。唔好以為 Warm-up exercise 唔重要,其實做好暖身操,可減低因水溫低而冷親嘅機會。而且冬天小朋友一般少做運動,會比較容易抽筋,所以記得要做好熱身運動先落水!

 

Q10:小朋友上水後要即刻用毛巾包到實?
泳後上水,水在皮膚表面蒸發容易把熱量帶走,用毛巾幫小朋友吸乾水份,擦暖身體,迅速穿好上水褸,亦可教小朋友做小小原地跳動,令體溫恢復得快啲,就唔怕會凍親啦!

Share on Facebook
Share on Twitter
Please reload

Follow Us
Please reload

Search By Tags
Please reload

Archive
  • Facebook Basic Square
  • Twitter Basic Square
  • Google+ Basic Square